I samband med pågåande planarbeid Detaljregulering for Bondhus - Sundal turist- og friluftsområde inviterer Kvinnherad kommune til open kontordag i gamle barnehagen i Sundal (Sunndalsvegen 640) 7. mai
Besøkstida på kontoret vert mellom kl. 12:00-17:00 7. mai for drop-in.
Det vert høve til å stille spørsmål til det pågåande planarbeidet, og komme med kommentarar før politisk behandling med påfølgjande høyring og offentleg ettersyn.
Bakgrunn for planarbeidet Planarbeidet har som føremål å leggje til rette for stadutvikling i Sundal og Bondhus. Stadutviklinga skal bidra til naturbasert reiseliv i samspel med kultur- og naturverdiane i Bondhusdalen, og utvikla området som reisemål for besøkande. Med aukande turisme inneber planarbeidet mellom anna å finna løysingar for å handtere buss- og personbiltrafikk. I tillegg søker ein å finna gode løysingar for nærfriluftsliv gjennom tilrettelegging for Isvegen, og legga til rette for sosiale møteplassar i sentrum som byggjar opp under kulturmiljøet. Samstundes må ein leggje til rette for mjuke trafikkantar gjennom trafikksikring og gje moglegheit for vidare sentrumsutvikling.
