Kraftfondet over 1 milliard kroner

Kraftfondet vart etablert i 1997 då kommunestyret i Kvinnherad kommune selte aksjar i SKL. 290 millionar kroner av salssummen vart plassert i aksjefond og andre finansielle aktiva, og har sidan den tid vore omtala som Kraftfondet.

Sidan 1997 har Kraftfondet bidrege med 193 millionar kroner til drift av tenestene til Kvinnherad kommune, i tillegg til å ha bidrege med 78 millionar kroner til kjøp av BKK-aksjar i 2019 (no Eviny). Kraftfondet har samla levert ei årleg avkastning inkludert utbyte på 4,9 % sidan oppstart i 1997. 

Gode, langsiktige politiske avgjersler skal ha mykje av æra for at Kraftfondet er av betydeleg størrelse i dag. Strategien bak forvalting av Kraftfondet bør halde fram slik at eit forsiktig anslag av avkastninga til Kraftfondet kan finansiere kommunalt tenestenivå eller investeringar samstundes som Kraftfondet vert forvalta til framtidige generasjonar.