Kvinnherad kommune har 13.100 innbyggjarar og ligg i Sunnhordland, mellom Bergen, Haugesund og Odda. Rosendal er administrativt senter, medan Husnes er største tettstaden og har vidaregåande skule og handelssenter. Kvinnherad tilbyr gratis SFO og søskenmoderasjon i barnehagen. Naturen rundt byr på sjø, skog, fjell og bre. Nyleg vart Kvinnherad Arena opna, som er den største aktivitetshallen i kommunen. Idrettslag og kulturskule gir moglegheiter for både sports- og kulturinteresserte. Handelsmoglegheiter finn du på Husnes storsenter og i Rosendal, og det er gode transporttilbod både til Bergen og Haugesund. Kvinnherad kommune har per i dag ikkje eigedomsskatt for hus, hytter og næring.
Tips: Kvinnherad kommune opplever at e-postar sendt frå EasyCruit til einskilde e-postkontoar hamnar i søppelpost/spam. Om du ventar på e-post frå kommunen - sjå i søppelposten om den kan liggja der.
Du søkjer elektronisk på stillingar i Kvinnherad kommune. Ved å klikka deg inn på ledige stillingar under, kjem du inn i vårt system for elektronisk jobbsøking. Treng du hjelp med brukarkonto, sjå nedst på sida.
Brukarkonto
Alle som ønsker å søka jobb i Kvinnherad kommune, må gjera dette elektronisk. Dette gjer du ved å opprette ein brukarkonto hos EasyCruit og logge deg inn.
Frå våren 2022 er EasyCruit nytt rekrutteringsverktøy i Kvinnherad kommune. Alle søkjarar, nye og tidlegare søkjarar, må oppretta seg ein brukarkonto på Easycruit.
Slik går du fram
Eksisterande brukar
Er du allereie registrert i systemet, logger du inn med brukarnamn og passord. Om du ikkje huskar påloggingsinformasjonen din, trykker du på Gløymd passord under Logg inn med passord.
Ny brukar
Om du ikkje er registrert i EasyCruit tidlegare, opprettar du brukar ved å velja Ny brukar.
Treng du hjelp?
Har du spørsmål som gjeld utlyst stilling, ta kontakt med oppgitt kontaktperson i stillingsannonsa. Dersom du treng hjelp med Easycruit, ta kontakt med:
Gunn Hege Nyrud, tlf: 90 77 54 92
Anne Berit Skeie, tlf: 90 20 81 46
