Kvinnherad kommune vedtok i formannskapsmøte 20.04.2023 at forslag til Kommuneplan
Kvinnherad – Arealdel Kvinnherad 2050 skal sendast på høyring og leggjast ut til offentleg ettersyn jf. plan- og bygningslova (pbl) § 11-14.
Planforslaget
Kommuneplanens arealdel (KPA) er eit overordna styringsdokument for den langsiktige arealdisponeringa i Kvinnherad kommune. Arealdelen følgjer opp mål og strategiar i kommuneplanens samfunnsdel (KPS) som vart vedtatt i 2022. Kommuneplanens arealdel tek utgangspunkt i arealstrategiane fastset i samfunnsdelen for å sikre ein arealbruk som bidreg til berekraftig utvikling av ein grøn, fisk og attraktiv kommune. Plantema for rulleringa har vore bustad, næring, tenesteyting, friluftsliv, grønnstruktur, småbåthamn, handtering av overskotsmassar, råstoffressursar og byggjegrense mot sjø.
Planprosess
- Kommunestyrevedtak om planoppstart med parallell planprosess for kommuneplanens samfunnsdel og arealdel (22.03.18)
- Organisering av prosjekt- styrings- og koordineringsguppe
- Regionalt planforum (29.05.8) for planprogram for samfunnsdel og arealdel.
- Organisering av politisk arbeidsgruppe
- Politisk behandling av planprogram 06.012.18 med høyringsperiode frå 10.12.18 til 10.02.19 etterfølgt av handsaming av merknader
- Formannskapet behandla revidert planprogram 09.05.19, og kommunestyret fastsette planprogrammet endeleg 23.07.19.
- Kunngjering av planprogram 24.05.19
- Innspelsfase frå 22.05.19 til 31.10.19 med påfølgjande medverknad (folkemøte, arbeidsverkstad, gjestebod, møte med næringsaktørar, bygdemøte med meir.)
- Plan-, teknikk og miljøutvalet gjorde vedtak om grovsiling i møtet 13.10.20, og saka vart så sendt vidare til formannskapet for endeleg avgjerd.
- I formannskapsmøtet 15.10.20 vart det sett fram eit nytt forslag og forslaget vart samrøystes vedteke.
- Vedtak om grovsiling i PTM 17.11.20
- Regionalt planforum 25.05.21
- Arbeidsverkstad om Bustad og næring med PTM og Formannskapet 12.04.22
- Vedtak av samfunnsdelen av kommunestyret 22.06.22.
- Arbeidsverkstad for senterstruktur og strandlinje m.m. med PTM og Formannskapet 22.09.22
- Arbeidsverkstad for føresegner med PTM og Formannskapet 13.10.22
- Arbeidsverkstad med PTM og Formannskapet om bustadreserve, silingsstrategi m.m. 10.11.22
- Politisk arbeidsgruppe vart fastset 24.11.22.
- Regionalt planforum 17.01.23
- Politisk møte om finsiling av innspel med PTM og Formannskapet 14. - 15.02.23
- Vedtak om høyring og offentleg ettersyn 20.04.23.
- Kunngjering av høyring og offentleg ettersyn 26.04.25 med høyringsfrist 08.06.23.
Korleis les du planforslaget til kommuneplanens arealdel?
Forslaget til kommuneplanens arealdel består plankart og føresegn som juridisk bindande plandokument for samfunnsutviklinga i kommunen. Plankartet gjeld for heile kommunens utstrekning på land og i sjø, og synar bruk og vern av areal gjennom arealføremål, juridiske linjer, faresonar, omsynsonar, føresegnssoner og liknande. Føresegn er tekstdokumentet som utgjer gjeldande krav og retningslinjer for den vidare samfunnsutviklinga i kommunen. Planskildringa har som føremål å beskrive planens føremål, innhald og overordna rammar. Konsekvensutgreiing er gjennomført for dei einskilde innspela, medan den overordna konsekvensutgreiinga synar planens verknader på eit overordna nivå. Saksframlegget gjev vidare ein kortfatta utgreiing av saka.
Slik finn du plandokumenta
Plankartet er tilgjengeleg i kommunekart, medan plandokument finn du i planregisteret.
Oversikt over plandokumenter:
- Plankart
- Føresegn og retningsliner
-Vedlegg 1 – Ordforklaringar og forkortingar
-Vedlegg 2: LS-kvoter - Planskildring
- Overordna konsekvensutgreiing
- Arealrekneskap
Vidare er det gjennomført konsekvensutgreiing for dei einskilde innspela tilgjengeleg her.
Kunnskapsgrunnlag
Det er vidare fleire rapportar som inngår i kunnskapsgrunnlaget for kommuneplanarbeidet. For fastsetjing av byggjegrense mot sjø har strandsonekartlegging vore eit naudsynt kunnskapsgrunnlag for å sikre balanse mellom vern i strandsona, samstundes som ein tilrettelegg for sjøtilknyt næring og kystkultur i Kvinnherad.
Med auka klimautfordringar har også flaumkartlegging vore ein del av kunnskapsgrunnlaget, i tillegg til kartlegging av kritiske punkt i bekkar og vassdrag.
Flaumkartlegging er tilgjengeleg her, og funksjonell strandsonekartlegging her.
Korleis kan du medverke vidare i planprosessen?
I den vidare planprosessen kan ein medverke i høyringsperioden. Høyringsperioden er satt frå 26.04.2023 til 08.06.2023. Innanfor høyringsperioden på seks veker kan privatpersonar, organisasjonar og offentlege mynde komme med merknader til planforslaget jf. pbl § 11-14.
Merknader sendast til post@kvinnherad.kommune.no, eller som brev til Kvinnherad kommune,
Rosendalsvegen 10, 5470 Rosendal. Send inn utfylt merknadsskjema 
, og merk e-post eller brev med saksnummer 2023/1495.
Frist: 08.06.2023
Etter høyringsfristen vert merknader handsame i den vidare planprosessen.
Har du spørsmål?
Eventuelle spørsmål kan rettast til:
Plansjef
Rune Helland
Tlf: 91 65 79 70
Planleggjar
Anne-Lise Næs
Planleggjar
Sara Brattfjell Heggland
Tlf: 90 76 03 63