Helsestasjon for barn 0-5 år

(Foto frå Pixabay)

• Helsestasjon 0 - 5 år er for alle barn frå dei er fødd til dei startar på skulen. I løpet av denne tida får dei tilbod om 14 konsultasjonar på helsestasjonen. Fyrste konsultasjon er heimebesøk til nyfødde.  
• Nokre konsultasjonar er lagt opp til å vera gruppekonsultasjonar. Du vil få meir informasjon om organiseringa av barselgruppene på din helsestasjon.  
• Det vert avtala ny konsultasjon for barnet frå gong til gong, eller ein vert kalla inn per SMS eller post. 
• Helsestasjonen skal vera eit lett tilgjengeleg lågterskeltilbod for barn og foreldre. Vi nyttar tolk om du har behov for det.  
• Du kan ta kontakt med oss utanom faste avtalar. Sjå kontaktinformasjon.
• Lov om pasient og brukarrettigheiter, § 6 –1, gir barnet ditt rett til konsultasjonar på helsestasjonen. Som forelder har du ei plikt til å sørge for at barnet får konsultasjonane sine. Oppfylginga helsestasjonen tilbyr, bidreg til at barnet får sine rettigheitar oppfylt.  
• Helsestasjonen samarbeider med mellom anna fastlege, fysioterapeut, psykisk helsearbeidar, psykolog, tilsette i barnehage, barnevern, PPT og avdeling for familiestøtte, etter behov. Me har teieplikt og samarbeidet skjer etter samtykke frå føresette.  
• Helsestasjonen ynskjer å vera ei støtte for foreldre, gjere dei trygge i foreldrerolla og bidra til at barn får ei trygg og god oppvekst. Helsesjukepleiar gjev foreldrerettleiing og snakkar med alle om samspel, ernæring, søvn, rusbruk, vald og omsorgsvikt.
• Du kan ta opp det du sjølv har behov for å snakka om. I dei fleste konsultasjonane vil helsesjukepleiar snakka med foreldre om barnet sitt kosthald, søvn, trivnad, samspel, miljø og sikkerhet og foreldra si psykiske og fysiske helse.  
• Barnet vert vege og målt avkledd/lett avkledd på faste konsultasjonar og når foreldre ynskjer det.   
• Helsestasjonen gjev tilbod om vaksine til barn etter det nasjonale barnevaksinasjonsprogrammet.   

Har barnet ditt feber, utslett eller oppkast/diare ber vi deg i tilfelle om å avlysa dagens avtale. Grunna smittefare ynskjer vi ikkje sjuke born på helsestasjonen. Tenesta driv førebyggjande og helsefremjande arbeid. Dersom barnet er sjukt og treng behandling, skal ein nytta fastlegen sin. Helsestasjonen kan gje råd om føresette er usikre på om barnet sine symptom og behov for legevurdering. 

Film til alle nybakte foreldre: I trygge hender - YouTube 
Les meir om helsestasjonstenesta her: Helsestasjon 0–5 år - Helsedirektoratet 
Les meir om vaksinane her: Barnevaksinasjonsprogrammet - FHI 

Ring til oss eller send ei melding 
Me er ikkje alltid tilgjengeleg på telefon, men send oss gjerne ei melding, så svarer vi når vi kan! 

(Henta frå FHI)