Det er betydelege verdiar og samfunnsoppgåver som blir forvalta i kommunale selskap, stiftingar, føretak og gjennom ulike samarbeidsformer. Målet med eigarskapsmeldinga er å gje ei systematisert oversikt over alle selskap som Kvinnherad kommune har eigarinteresse i, samt drøfte kommunen sine ulike motiv for å opprette eller delta i selskap. Vidare skal eigarskapsmeldinga gje retningslinjer for kommunen si eigarstyring. Kommunen har òg eit kontroll- og tilsynssvar ovanfor eigarinteressene i dei ulike selskapa.
