Bruk av munnbind

Beredskapsgruppa i Kvinnherad kommune har i dag vedteke å oppmoda alle elevar på ungdomstrinnet og i vidaregåande skule om å bruka munnbind på skulebussen. Elevane skal få utdelt gratis munnbind dei neste to vekene på den skulen dei går på. Landet er no inne i ei bølgje av smitte mange stader og dei neste vekene kan vera avgjerande for kva retning dette vil ta.
Beredskapsgruppa ber om at føresette oppmodar borna om å vera med å nytta munnbind dei komande vekene.

Kommunen oppmodar også at vaksne som tek bussen i lag med skuleelevane brukar munnbind dei næraste to vekene.